Iris Team မှ CDM ဝန်ထမ်းများ၏ အခက်အခဲများအား စဉ်ဆက်မပြတ် စီစစ်ကူညီလျှက်ရှိရာ မန္တလေး (၃၄) စက်ရုံဝင်းရှိ မီးရထား ဝန်ထမ်း အိမ်ထောင်စု (၄၁) စု တို့အား တအိမ်ထောင်လျှင် ငါးသောင်းကျပ်နှုန်းဖြင့် သိန်းနှစ်ဆယ်ငါးသောင်း (၂,၀၅၀,၀၀၀) ကျပ်တိတိအား ချီးမြှင့်ထောက်ပံ့ခဲ့ပါသည်။
မီးရထား ဝန်ထမ်းအိမ်ယာများအနေဖြင့် လူဦးရေများပြားပြီး ယခုဖော်ပြပါနေရာသို့ လူသိနည်းပါးခြင်း၊ ဆန် ၂ ပြည်၊ ဆီနှင့်အခြောက်အခြမ်းများသာ ရောက်ရှိသေးကြောင်း သိရသဖြင့် Iris မန္တလေးတာဝန်ခံမှ သွားရောက်၍ ဂုဏ်ပြုငွေ ချီးမြှင့်ခဲ့ခြင်းဖြစ်ပါသည်။
(စာရင်းရှိမှာ ၄၅ အိမ်ထောင်စုဖြစ်ပြီး မိသားစု ၄ စုမှာ အခြားနယ်သို့ရှောင်တိမ်းနေပါ၍ မထောက်ပံ့ရသေးပါ။)
အခြားနေရာများတွင်လည်း ဆန်၊ဆီနှင့်အခြောက်အခြမ်း၊ ငွေသား တသောင်းကျပ်စသည်တို့သာရရှိနေခဲ့ပြီးလောက်ငမှု မရှိသေးကြောင်း သိရပါသောကြောင့် ထပ်မံလှူဒါန်းကြပါအုံးလို့ နှိုးဆော်အပ်ပါသည်။
(မိမိအစီအစဉ်ဖြင့် သွားရောက်လှူဒါန်းလိုပါက နေရာနှင့် အိမ်ထောင်စုစာရင်း ပေးပါမည်။)
ပြည်သူ့အစိုးရ CRPH ၏ ထောက်ပံ့မှုများ မရောက်နိုင်သေးခင် အရေးပေါ်လိုအပ်မှုများအား Iris Team မှ ကျားကန်ပေးထားရန် အဓိက ရည်ရွယ်ပါသည်။
Iris နှင့်အတူ CDM ဝန်ထမ်းများအား ဂုဏ်ပြုချီးမြင့်လိုပါက Page Messenger သို့ တိုက်ရိုက်ဆက်သွယ်လှူဒါန်းပေးနိုင်ပါရန် နှိုးဆော်အပ်ပါသည်။
